朋友常問里奧 在台灣你過得好嗎？我過得很好，是真心的。
從今年年初武漢肺炎爆發至今已經有差不多10個月，作為一家之主的里奧真心感覺到好彩有呢個會做實事既政府，否則里奧今年面對家庭與公司壓力會好大。
仲記得2月6日從香港回國，我地係第一批要進行居家檢疫14日，小朋友農曆新年假期亦只係延長咗2個星期就正常返學，對小朋友學習成長幾乎冇任何影響，2月-5月只係週未唔可以週圍去玩，但對整體生活並冇太大影響。
公司生意初期大受影響，但政府幫到手。
過完農曆新年之後整個零售業死曬，原先3月就進入旺季既里奧生意幾乎接近停頓，作為一個公司老闆到底要點面對呢？好彩政府對我公司做咗兩件事
1, 公司員工薪金補助，全部員工月薪4成，補足三個月另加三萬補助，雖然金額唔係好大，但剛剛好幫我公司渡過三個月寒冬。
2, 政府擔保低息貸款，去銀行簽個名里奧就無條件借左300萬，最好彩既係呢300萬到今日一蚊都未用過，但當時有呢個貸款係手就令自己好安心，冇辭退過任何員工，亦冇改變過公司原有既計劃。
生活上完全未擔心過買唔到口罩
起碼一日一定有一個口罩用，實名制全國分配口罩做得真係好好，小朋友返學日日有口罩用，簡單幾個step就安心買到口罩，政府呢招真係做得好好。
疫情控制得好 再推出振興卷 生意爆
市民安心，政府再推出刺激零售業既方案，由6月至7月既生意翻幾翻，甚至比起之前同期還要好生意，公司營運又變為正常，防疫貸款$1都冇用過，既然借咗就hold住筆錢到一切正常化先提早還款。
今日再睇返之前，無論在家庭生活、學習、公司營運，政府都做實事大派定心丸，呢個執政黨真心做到野。
咁好既政府仲可以去邊度搵？
#移民台灣 #里奧叔叔
#好彩有呢個政府
Search